قصة " تامر و اصحابه

موضوع: قصة " تامر و اصحابه 4th مايو 2008, 10:48 pm

هذه قصه كتبتها من حوالى اسبوع و كنت متردد فى ان اضعها و انشرها ام لا
و لكن رأيت ان اضعها و اللى يحصل يحصل
و ارجو انها تحوز اعجابكم و تعلقوا عليها و تقولو لى ايه الدروس اللى استفادتوها منها و كده يعنى
مش هاطول عليكم
و على فكره ما تتخضوش من طولها لأنها كلها عباره عن حوار فاقرأوها لأخرها و السلام عليكم و رحمة الله
اتفضلوا القصه اهيه
----------------------------------------------------
[ALIGN=CENTER]تامر و اصحابه[/ALIGN]

صحى ( تامر ) فى هذا اليوم الساعه العاشره على غير عادته…..
تامر : هاااااااوم
ثم قام فغسل وجهه و ضرب شعره جل و روق نفسه و لبس التيشرت الاورانج و ضرب النضاره البولس و حط البارفان الاسكربشن و ……
تامر: هااااى دادى….. مساء الخير
ابوه:مساء النور يا تامر يا حبيى…عامل ايه…..
تامر: جود….فيرى جود.. و عامل فسحه كده انا و اصحابى و عايز فلوس
ابوه: انت تأمر يا تمور يا حبيبى…اطلع خد من الخزنه اللى انت عاوزه
تامر: يا سلام يا باب ميرسى خالص…ممكن كمان طلب
ابوه: ايوه يا حبيبى
تامر:انا عايز العربيه البى ام النهارده بدل المرسيدس ممكن
ابوه: ممكن قوى يا حبيبى… ما انت عارف لا يمكن ءأخر عليك طلب

طبعا تامر ده وحيد ابوه و امه….. يعنى م الاخر دلوعة ماما و بابا

نزل توتو و ركب العربيه البى ام و راح مشغل شريط عمرو دياب الجديد و علاه ع الاخرو بعدين اتصل بالتليفون….
تامر: الو
هيثم : الوو
تامر:هاى هيثم where are you?
هيثم: اى ام فاين مان….وير ار يو م الصبح
تامر:معلش يا هيثومتى كنت باجهز المطاليب
هيثم:و لا يهمك المهم انا مستنيك ما تتأخرش
تامر: ماشى يا حبى…مسافة الواى….دونت ورى

وصل تامر عند بيت صديقه هيثم بعد عشر دقائق و هاتك يا كلاكسات
بيييب بيييب بييي بيييب ووويت وووويت
هيثم: ايوووووه..نازلك حالا يا ميخا
تامر: اوكي مان
هيثم : هاى يا ابنى..اتأخرن ليه
تامر: و لا حاجه…ما انت عارف زحمة عباس
هيثم: اوكى..المهم….از افرى ثنج از ريدى اور نوت ؟؟؟
تامر: دونت ورى يا مان…كله جاهز
هيثم: بيس يا مان….ليتس جو تو ايهاب و هانى
تامر: اوكى لتس جو

طبعا تامر ما يستريحش الا و هو ماشى على 100 دا اقل حاجه و يطلع علبة المارل بورو و يعزم على هيثم و بعدين يتصل بالتليفون على ايهاب و هو ماسك الموبايل بايد و الاخرى يقود بها……….
تامر: الو
ايهاب: الوو
تامر: هااى يا ابنى
ايهاب: هااااى و رحمة الله و بركاته…..انتو فين
تامر: احنا فى الواى تو يو…ار يو ريدى ؟
ايهاب:يس اوف كورس…من بدرى
تامر:طيب…احنا فى السكه
ايهاب: جود باى مؤقت على ما تيجو
تامر: جود باى

وصل تامر و هيثم لهانى و ايهاب و بعد السلامات الامريكانى
ركبوا العربيه و انطلقوا
هانى: هاااه…ايه اخبار الشريط المره دى
تامر: شريط انما ايه…كووووول…امبورتد فروم باريس تو هير دايركت
ايهاب:يعنى شريط fresh من الفرن على هنا على طوووول ؟
تامر: ايوه على طووول يا اخويا امال على عرض
هيثم : قشطه عليك

المهم ذهب الاصحاب الى فيلا هيثم حيث كان ابوه و امه مسافرين و قضوا ليلتهم هناك ع الفيديو

هانى: بصوا بقه…بعد الفيلم ده…احنا لازم نروح نعمل لنا دماغ فى الحته اياها
ايهاب: يعنى ايه احلى دماغ دى ؟
تامر : احلى دماغ….بانجو…مكس فورت…اى حاجه
ايهاب : مخدرات يعنى…لأ يا جماعه..انا معاكم..شوية شرايط ماشى..سجاير…بنات…لكن توصل لبانجو و مكس فورت..ما اقدرش
هيثم : يا عم خايك راجل..ده حاجه بسيطه
تامر: ايوه مش زى ما انت متخيل زى ما بيقولو فى التلفزيون
هيثم: ايوه عادى يعنى…و بعدين جرب و مش هتخسر حاجه
ايهاب : بس يا جماعه… لو اخويا محمود عرف
هانى : يا عم هو هيعرف منين …خلاص بقه يا عم ايهاب خليك كووووول و ما تبوظش الليله
تامر : ايوه خليك كده فريش و ما تحملش هم
ايهاب : طيب لما نجرب
تامر:نايس يا مان
هيثم: كوووول…فيرى كووووووول

انطلق تامر إلى كافتيريا (…….) فى شارع عباس العقاد و نزلوا …….
الجرسون : ويلكم ويلكم تامر بيه
تامر: ازيك يا حسنى
حسنى: الحمد لله يا تامر بيه…تشربوا ايه
تامر: انا هااخد مارون جلاسيه و تقل البندق شويه و شوف البهوات ياخدو ايه
هانى: انا هاااخد ليمون متوصى عليه بالسكر الابيض و حياتك
هيثم: و انا كابتشينو ساده من غير ملح
حسنى : اوكي
ايهاب: يعنى ايه كابتشنو من غير ملح دى ؟!!
هيثم : يعنى بانجو على خفيف عشان دى اول مره ليك
ايهاب : اوكى

طبعا كانت هذه شفره يستخدمها الشباب لطلب المخدرات و كان حسنى النادل هو مروج هذه المخدرات

و هكذا يأتى حسنى بالطلبات للشباب و المخدرات يضعها لهم فى السياره

السلام عليكم و رحمة الله و بركاته….السلام عليكم و رحمة الله
كان هذا هو محمودالاخ الكبير لايهاب
بعدما انتهى من صلاة الفجر فى جماعه جلس يختم الصلاه و من ثم دار هذا الحديث بينه و بين صديقه أحمد…..
أحمد : تقبل الله
محمود : منا و منكم ان شاء الله
احمد : انا كنت عايزك فى موضوع كده يا محمود
محمود : خير يا احمد دوشتنى…
احمد : كل خير ان شاء الله…الموضوع يا سيدى بخصوص ايهاب اخوك
محمود : ماله ايهاب
احمد : انا كنت ناوى ما اقولكش…بس ما ينفعش اخبى عليك اللى شفته الليله دى
محمود : فيه ايه يا احمد قلقتنى….ايهاب ماله
احمد : ايهاب ملموم على شوية اصدقاء سوء و للاسف خدوه فى طريقهم
محمود : قصدك هيثم و هانى…انا اسمع يعنى انهم عيال روشين يخروجو يتفسحو كده يعنى
احمد : للاسف يا محمود ده اللى انا كنت متصوره…لكن
محمود: لكن ايه
احمد : اخوك ايهاب بيشرب مخدرات
محمود : مخدرات….انت بتقول ايه يا احمد….ايهاب اخويا انا يشرب مخدرات
احمد : ايوه يا محمود..انا شفته بعينى
محمود :مستحيل…انت اكيد ما شفتش كويس او يمكن اتهيألك انه هوه
احمد : لأ يا محمود انا متأكد من اللى بقوله
محمود : لا حول و لا قوة الا بالله…من امتى الكلام ده
احمد : من الليله دى بس…انا كنت قاعد بالصدفه فى كافتيريا(…..) لقيت ايهاب دخل هوه و اصحابه و بعدين طلبوا حاجات غريبه كده اسمعها كتير من الشباب لكن ما افهمش هى ايه
و بعدين طلعوا بسرعه من غير ما يشربوا اللى طلبوه…قلت لما اشوفهم رايحين على فين
محمود: كمل و بعدين
احمد : ركبوا العربيه..ركبت عربيتى و طلعت وراهم…لحد ما وصلوا الطريق الدائرى و حودوا على مكان مهجور كده ناك
وقفت اراقبهم من بعيد لقيتهم طلعوا لفه من الشنطه و خرجوا منها المخدرات
محمود : و ايهاب
احمد : ايهاب كان واضح عليه التوتر و كأنه خايف
محمود : و شربوا ايه و للا ضربوا حقن و لا شمو حاجه
احمد : هوه فى اتنين شربوا بانجو او ماريجوانا فى سجاير و منهم اخوك ايهاب و واحد شم تقريبا هيروين و واحد ضرب حقنة
محمود : وهو يبكى : انا لله و انا اليه راجعون
احمد : هون عليك…واضح ان ايهاب دى اول مره ليه…فيمكن تدارك الامر سريعا
محمود : انا مش عارف اقولك ايه يا احمد…انا مكسوف منك خالص
احمد : لا تنكسف و لا حاجه…حد يتكسف من اخوه
محمود : طيب قولى اعمل ايه دبرنى…انت عارف انى انا اللى مربيه بعد وفاة ابوه الله يرحمه
احمد : استهدى بالله كده و اقعد نتكلم على رواقه
محمود : طيب مادام فيها قعده يبقى نخليها بعد صلاة الظهر فى اى كوفى شوب لأن الموضوع شكله هيطول
احمد : خلاص ماشى…ان شاء الله نقعد فى ( …..)
محمود : ان شاء الله….جزاك الله خيرا
احمد : و اياكم
محمود : السلام عليكم
احمد : و عليكم السلام

بعد ما وصل تامر صديقه هيثم ركب العربيه و وضع شريط عمرو دياب و اخذ يردد معاه و فتح السرعه لأن الشوارع فاضيه و لكن
تظهر امامه فجأة عربه نصف نقل فيحاول ان يتفاداها فلا يستطيع
فيصطدم بها و ينقل الى المستشفى و هو مازال يردد " انا عايش و مش عايش و مش هاقدرعلى……."

فى طريقه الى البيت اخذ محمود يفكر ماذا سيفعل فى هذا الموضوع…
هو يعلم ان صديقه احمد لم و لن يكذب عليه……
و لكن ماذا سيكون رد فعل اخوه ايهاب اذا واجهه بهذا الموضوع
ماذا يقول له….هل يمنعه من الخروج…او يمنع عنه النقود…ماذا يمكنه ان يفعل…..
و عندما وصل محمود الى البيت …وجد ايهاب خارجا من الحمام و عليه اثاراستحمام و متوجه الى غرفته
محمود : ايهاب
ايهاب: ايووووه فييييه ايه
محمود : انت كنت فين ؟
ايهاب: انا…..
محمود : ايوه انت…كنت فين ؟
ايهاب: اناااا….كنت باذاكر عند اصحابى
محمود : انت بتكذب يا ايهاب
ايهاب : ايه
محمود : انا عارف انت كنت فين
ايهاب: انا…انا…..كنت بذاكر عند اصحابى
محمود: انا بقولك انا عارف انت كنت فين
ايهاب : انااااا……انا…..انا….
محمود : اناعرفت كل حاجه عن المخدرات
ايهاب : مخدرات….مخدرات ايه…انا مش عارف انت بتتكلم عن ايه
محمود: بص يا ايهاب يا حبيبى..انا اخوك الكبير و انا اللى مربيك بعد ابوك ما مات الله يرحمه
ايهاب:هاااا و بعدين
محمود : يا ايهاب انا خايف عليك…السكه دى آخرتها وحشه و انا مش ممكن اسيبك تضيع قدام عنيا
ايهاب : يا عم انت هتألف…..المخدرات دى تليه …حاجه كده ترويق دماغ و بس…سيبك انت من اللى بيقولوه فى التلفزيون
محمود: ايه اللى انت بتقوله ده يا ايهاب….انت اكيد مش فى وعيك
ايهاب: يا عم كبر دماغك منى و ريح نفسك
محمود : ايهاب …..فين ضميرك…فين عقلك….فين خوفك من ربنا…انت نسيت و للا ايه
ايهاب : انا…انا….
محمود: انا هافكرك … فاكر لما كنت بتصلى فى المسجد….فاكر لما كنا نروح انا و النت نحضر دروس عمرو خالد فى 6 اكتوبر قبل ما يمنعوه….فاكر يوم درس التوبه لما بكينا انا و انت…فاكر عمرو قال ايه يومها……فاكر يا ايهاب و للا لأ…..انا مش عارف ايه اللى جرالك و خلاك توصل للدرجه دى

"تيييت تيت تتتيت تيات" كان هذا هو موبايل ايهاب
ايهاب: الو
هيثم: الو…ايوه يا ايهاب
ايهاب:ايوه يا هيثم…ايه اللى حصل…صوتك متغير
هيثم:تامر عمل حادثه يا ايهاب
ايهاب:ايه…..امتى الكلام ده
هيثم : من نصف ساعه
ايهاب: طيب هوه فى مستشفى ايه
هيثم : مستشفى (…….) و انا هناك دلوقتى
ايهاب:طيب انا جايلك حالا
محمود:خير يا ايهاب….ايه اللى حصل ؟
ايهاب : تامر عمل حادثه و فى المستشفى و حالته خطره
محود:لا حول و لا قوة الا بالله…طيب ثوانى البس و اجى معاك

وصل ايهاب و محمود الى المستشفى

محمود : خير يا هيثم تامر اخباره ايه
هيثم: تامر.(يبكى)….تامر مات يا ايهاب
محمود : انا لله و انا اليه راجعون
ايهاب: مش ممكن…تامر مات…ازاى…ده احناكنا مع بعض من ساعه…تامر مات…مات
هانى :ايوه مات..تامر اللى كان مالى الدنيا مرح و حياه
محمود : لا حول و لا قوة الا بالله…الموت علينا حق…كل من عليها فان و يبقى وجه ربك ذو الجلال و ا لاكرام
هيثم : ربنا يرحمه بقه….
هانى: ايوه ربنا يرحمه…..
محمود: اكتر شئ مأثر فيا انه مات على معصيه شديده…و كان ممكن انتو تكونو مكانه
ايهاب: كفايه يا محمود احنا مش ناقصين
هلنى:ايوه يا محمود ….ربنا يرحمه و يرحمنا
محمود: لأ مش كفايه…..انتو لازم توجهو الحقيقه مهما ان كانت مره
هانى: بس ده مش وقته يا محمود الكلام ده
محمود: لأ هوه وقته
ايهاب: ارجوك احنا مش هنقدر نستحمل اى كلام دلوقتى
محمود: بس هوه ده وقت الكلام و ما فيش غير كده
هيثم: طيب اتفضل اتكلم…قلنا عايز ايه ؟؟
محمود:يا جماعه انتو كنتو ممكن تكونو مكان تامر و تموتو على معصيه…..لكن الحمد لله ربنا رحمكم و نجاكم
هيثم: كمل يا شيخ محمود
محمود:ارجوك يا هيثم الموضوع مش محتاج هزار
فكر كده انتو عملتواايه مفيد فى حياتكم…..و لا حاجه شوية صرمحه و هلس و صرف فلوس على المعاصى
هانى: ايوه…صحيح عندك حق يا محمود فى اللى قلته….احنا فعلا كده نعتبر همل…يعنى مالناش لازمه اننا نعيش من اساسه….
ايهاب: ايوه عاملين زى اى حيوان…..بس يمكن الحيوان احسن مننا شويه….على الاقل ما بيعصيش ربنا
محمود: و للاسف انت اللى ضيعتو انفسكم..انزلقتم و تهتم وراء شهوتكم و دنيتكم و برطعتم فيها زى ما انتو عايزين
هانى : ما كانش حد بيقول لنا لأ….او ده حرام او ده غلط…..احنا ضحية ظروف مجتمع كامل..احنا للاسف زى ما هاقولك يا ايهاب انت و هيثم….احنا ما نستحقش نعيش
محمود: لأ يا هانى..هوه صحيح انتو اذنبتو ذنب كبير …لكن..ربنا غفور رحيم…عارف استاذ عمرو خالد كان بيقول ايه فى درس التوبه……ان الله يريد ان يتوب عليكم…..يعنى ربنا رحيم اكتر مما تتصور…..و كل ذنب و ليه توبه الا الكفر بالله…….و ده يخليكو ما تأيسوش من الحياه…لأ لازم تعيش فى الدنيا..لكن المهم تعيش ازاى…هل تعيش زى ما انتو عايشين كده.و للا عيشه تانيه
هيثم: الله الله…كلام حلو قوى يا شيخ محمود…انت هتعمل فيها واعظ…كل ده عشان واحد فينا مات…يا عم اللى مات مات…و خلاص…خلينا احنا نعيش حياتنا ..احنا لسه الحياه بدرى علينا..و نبقى نتوب بعدين…و سيبك بقه من الكلام اللى لا يودى و لا يجيب ده
ايهاب : ايه يا هيثم اللى انت بتقوله ده…انت مش دريان بالمصيبه اللى كنا فيها..لكن الحمد لله ربنا بعت لنا المصيبه بتاعت موت تامر عشان يفوقنا من اللى كنا فيه
محمود : ايوه يا ايهاب..و انت يا هانى و يا هيثم…لازم ترجعوا بقه لربنا.و اديكو شفتو بنفسيكو.ما فيش حاجه اسمها العمر قدامى طويل.. لكن العبره بالنهايه.العبره بالخاتمه…هل مت على معصيه ام على طاعه..
هانى : فعلا ما فيش حاجه اسمها انا لسه صغير… الواحد كان فين من زمان ما سمعش الكلام ده لا فى بيته و لا فى مدرسته و لا حتى فى الجامعه
محمود : و دلوقتى مش كده كفايه.مش انتو ضيعتو عمر كتير فى المعصيه.لسه مستنين حاجه تانيه..صاحبكم و اهوه مات..عايزين تحصلوه.و للا فهمتم..
ايهاب : لأ..مش عايزين نحصلو……..
هانى : ايوه..خلاص انا مش قادر استحمل…..
محمود : و انت يا هيثم ؟؟
هيثم : يا عم مش بقولك بتستشيخ علينا…الظاهر ان كلامه اثر فيكم..بسهوله كده هتستغنوا عن اللذه.المتعه.الدنيا.هتسيبوا كل ده..
هانى : ايوه يا هيثم….خلاص مش هينفع نرجع تانى..ده قرارنا
محمود : ايهاب….يللا بينا

و يغادر ايهاب و محمود

هانى : استنو انا جاى معاكم
محمود : الحمد لله

و فى طريقهم لباب الخروج يسمعون من ينادى عليهم
هيثم : استنو يا جماعه….انا كمان هاجى معاكم

فيأخذونه بالاحضان و السعاده على وجوههم باديه
و هكذا انضم ايهاب و هانى و هيثم الى قافلة الضياء
الى قافلة التائبين
الى قافلة الشباب المسلم
و اصبحوا
اصدقاء
فى الله
و لله

- تم بحمد الله -